شہباز شریف نے ن لیگ کا صدر بنتے ہی نوا ز شریف کو پارٹی میں اہم ترین عہدہ دے دیا

شہباز شریف نے ن لیگ کا صدر بنتے ہی نوا ز شریف کو پارٹی میں اہم ترین عہدہ دے دیا

وزیر اعلیٰ پنجاب شہباز شریف کو مسلم لیگ ن کاقائم مقام صدر بنانے کے بعد نواز شریف کو تاحیات پارٹی کا قائد بنانے کی منظوری دے دی گئی ۔تفصیل کے مطابق لاہور میں مسلم لیگ ن کی مرکزی مجلس عاملہ کا اجلاس ہوا جس میں پارٹی چیئر مین راجا ظفر الحق ،نواز شریف ،وزیر اعظم شاہد خاقان عباسی ،وزیر اعلیٰ پنجاب شہباز شریف،ایاز صادق ،مرتضی جاوید عباسی اور شیخ آفتاب سمیت دیگر رہنماﺅں نے شرکت کی۔اس موقع پر نواز شریف نے پارٹی کی قائم مقام صدارت کے لیے شہباز شریف کا نام دیا جس پر خواجہ سعد رفیق ،احسن اقبال اور زاہد حامد نے تائید کی جبکہ وزیر اعظم شاہد خاقان عباسی نے کھڑے ہو کر تالیاں بجائیں ۔بعد ازاں شہباز شریف نے نواز شریف کو پارٹی کا تا حیات قائد بنانے کی قرار داد پیش کی جسے مرکزی مجلس عاملہ نے منظوری دے دی اور تمام ارکان مجلس عاملہ نے اس کی متفقہ تائید کی