ملک میں مزید 2512 افراد کورونا کا شکار، 48 افراد جاں بحق

ملک میں مزید 2512 افراد کورونا کا شکار، 48 افراد جاں بحق

اسلام آباد: ملک میں گزشتہ روز کورونا نے مزید 2512 افراد کو اپنی لپیٹ میں لے لیا ہے جب کہ 48 افراد کی زندگیوں کے چراغ گل ہوگئے ۔

نیشنل کمانڈ اینڈ آپریشن سینٹر کی جانب سے جاری بیان کے مطابق گزشتہ روز ملک بھر میں مجموعی طور پر 30 ہزار 700 ٹیسٹ کئے گئے جب کہ 2 ہزار 512 افراد میں اس وائرس کی تشخیص ہوئی۔ اس طرح کورونا ٹیسٹ مثبت آنے کی شرح 8.19 فیصد رہی۔

ملک میں کورونا کے مصٓدقہ مثبت کیسز کی تعداد 8 لاکھ 73 ہزار 220 ہوگئی ہے۔ پنجاب میں 3 لاکھ 24 ہزار 106، سندھ میں 2 لاکھ 96 ہزار 364 ، خیبر پختونخوا میں ایک لاکھ 26 یزار403 ، بلوچستان میں 23 ہزار 778 ، اسلام آباد میں 78 ہزار 969 ، آزاد کشمیر میں 18 ہزار 186 جب کہ گلگت بلتستان میں کورونا کے مصدقہ مثبت کیسز کی مجموعی تعداد 5 ہزار 414 ہے۔
ملک میں کورونا کے مزید 4 ہزار 123 افراد نے اس وبا سے صحتبای ہوچکے ہیں، اس طرح ملک میں اب تک 7 لاکھ 80 ہزار 438 مصدقہ مریضوں نے اس وبا کو شکست دے دی ہے۔ پنجاب میں 2 لاکھ 81 ہزار 525 ، سندھ میں 2 لاکھ 72 ہزار 863 ، خیبر پختونخوا ایک لاکھ 14 ہزار 74 ، بلوچستان 22 ہزار 256 ، اسلام آباد 68 ہزار 777، آزاد کشمیر 15 ہزار 744 اور گلگت بلتستان میں کورونا کے 5 ہزار 199 مصدقہ مریض شفایاب ہوگئے ہیں۔

گزشتہ روز کورونا نے مزید 48 افراد کی جان لے لی ہے، اس طرح اس وبا سے جاں بحق ہونے والوں کی مصدقہ مجموعی تعداد 19 ہزار 384 ہوگئی ہے۔ پنجاب میں 9 ہزار 282 ، سندھ میں 4 ہزار 780 ، بلوچستان 257، خیبر پختونخوا 3 ہزار 723 ، اسلام آباد 724، آزاد کشمیر 511 اور گلگت بلتستان میں اب تک 107 افراد اس وبا کے ہاتھوں جاں بحق ہوچکے ہیں۔

ملک میں اس وقت کورونا کے فعال مریضوں کی تعداد 73 ہزار 398 ہے جن میں سے 4 ہزار 330 کی حالت تشویشناک ہے۔

کورونا وائرس اوراحتیاطی تدابیر؛

کورونا وائرس کے خلاف یہ احتیاطی تدابیراختیارکرنے سے اس وبا کے خلاف جنگ جیتنا آسان ہوسکتا ہے۔ صبح کا کچھ وقت دھوپ میں گزارنا چاہیے، کمروں کو بند کرکے نہ بیٹھیں بلکہ دروازے کھڑکیاں کھول دیں اور ہلکی دھوپ کو کمروں میں آنے دیں۔ بند کمروں میں اے سی چلاکربیٹھنے کے بجائے پنکھے کی ہوا میں بیٹھیں۔

سورج کی شعاعوں میں موجود یو وی شعاعیں وائرس کی بیرونی ساخت پر ابھرے ہوئے ہوئے پروٹین کو متاثر کرتی ہیں اور وائرس کو کمزور کردیتی ہیں۔ درجہ حرارت یا گرمی کے زیادہ ہونے سے وائرس پرکوئی اثرنہیں ہوتا لیکن یو وی شعاعوں کے زیادہ پڑنے سے وائرس کمزور ہوجاتا ہے۔

پانی گرم کرکے تھرماس میں رکھ لیں اورہرایک گھنٹے بعد آدھا کپ نیم گرم پانی نوش کریں۔ وائرس سب سے پہلے گلے میں انفیکشن کرتا ہے اوروہاں سے پھیپھڑوں تک پہنچ جاتا ہے، گرم پانی کے استعمال سے وائرس گلے سے معدے میں چلا جاتا ہے، جہاں وائرس ناکارہ ہوجاتا ہے۔