علیم ڈار کے 400 انٹرنیشنل میچزمکمل،زیادہ ٹی20سپروائز کرنے کا اعزاز

علیم ڈار کے 400 انٹرنیشنل میچزمکمل،زیادہ ٹی20سپروائز کرنے کا اعزاز

لاہور: آئی سی سی ایلیٹ پاکستانی امپائر علیم ڈار نے 400 انٹرنیشنل میچز مکمل کرلیے۔

علیم ڈار نے احسن رضا سے سب سے زیادہ ٹی ٹوئنٹی میچز سپروائز کرنے کا اعزاز بھی چھین لیا، وہ اب تک 136ٹیسٹ، 211 ون ڈے اور 53ٹی ٹوئنٹی میچز میں ذمہ داریاں نبھا چکے ہیں۔

علیم ڈار نے اس اعزاز پر اپنے ویڈیو بیان میں کہاکہ میں 400انٹرنیشنل میچز سپروائز کرنے کا اعزاز اپنے والدین اور فیملی کے نام کرتا ہوں۔
انھوں نے آئی سی سی، پی سی بی اور میڈیا کے ساتھ اپنے کلب پی اینڈ ٹی جیمخانہ کے روح رواں اظہر زیدی وودیگر تمام اراکین کے تعاون کا بھی شکریہ اداکیا۔