” بریکنگ: اونٹاریو میں 700 سے کم نئے کووڈ-19 کیسز ، جون کے شروع سے اب تک سب سے زیادہ مثبت شرح“۔

اونٹاریو میں آج 700 نئے کووڈ-19 کیسوں کی رپورٹ ہے کیونکہ صوبہ بھر میں ٹیسٹ مثبت ہونے کی شرح ایک ایسی بلند سطح پر پہنچ گئی ہے جو تقریباً تین ماہ میں نہیں دیکھی گئی۔ صوبائی صحت کے عہدیداروں نے آج 694 نئے کووڈ-19 انفیکشن لاگ ان کیے ، جو اتوار کے روز 740 سے کم تھے لیکن گزشتہ پیر کو 639 سے بڑھ گئے۔ نئے کیسز کی سات روز کی اوسط 696 ہے جو کہ ایک ہفتے پہلے 581 تھی۔ صوبائی لیبز نے گزشتہ 24 گھنٹوں کے دوران 18،561 ٹیسٹ کیے ، جس کے نتیجے میں مثبت شرح 3.6 رہی ، یہ تعداد جون کے شروع سے اب تک کی سب سے زیادہ ہے۔ 11 جون کے بعد پہلی بار ، اونٹاریو کا فعال کیس لوڈ آج 6000 سے تجاوز کر گیا۔ آج تصدیق شدہ نئے کیسز میں سے 121 ٹورنٹو میں ، 104 پیل ریجن میں ، 98 یارک ریجن میں ، 74 ہیملٹن میں اور 74 ونڈسر میں ہیں۔ گزشتہ 24 گھنٹوں کے دوران کسی کورونا مریض کی موت کی تصدیق نہیں ہوئی۔ انتہائی نگہداشت کے یونٹس (آئی سی یو) میں زیر علاج کووڈ-19 مریضوں کی تعداد آہستہ آہستہ بڑھ رہی ہے۔ وزارت صحت کی جانب سے جاری کردہ تازہ ترین اعداد و شمار کے مطابق ، آئی سی یو میں کووڈ-19 کے اب 160 مریض ہیں ، جو گزشتہ پیر کی 148 سے زیادہ ہیں۔ اونٹاریو کی وزیر صحت کرسٹین ایلیٹ نے کہا کہ آج رپورٹ ہونے والے 167 انفیکشن ایسے لوگوں میں ہیں جو مکمل طور پر ویکسینیٹڈ ہیں جبکہ 527 ایسے افراد میں ہیں جو مکمل طور پر ویکسینیٹڈ نہیں ہیں یا جن کی ویکسینیشن کے بارے میں علم نہیں۔ اونٹاریو کے رہائشی جو نان ویکسینیٹڈ ہیں یا ویکسین کی صرف ایک خوراک لیۓ ہوۓ ہیں وہ آبادی کا 33 فی صد ہیں لیکن پیر کو رپورٹ ہونے والے تمام معاملات میں 76 فی صد ہیں۔ آئی سی یو کے مریضوں کی ویکسینیشن کی حالت اتوار یا پیر کو ہسپتال کے نامکمل ڈیٹا کی وجہ سے جاری نہیں کی جاتی۔
صوباٸ حکام کا کہنا ہے کہ اونٹارینز میں سے تقریباً 82.9 فی صد 12 سال یا اس سے زیادہ عمر کے افراد کو کووڈ-19 ویکسین کی کم از کم ایک خوراک اور 76.1 فی صد کو دو خوراکیں ملی ہیں۔ ایک حکومتی ذریعے نے گزشتہ ہفتے ایک ٹی وی نیوز چینل کو تصدیق کرتے ہوئے کہا کہ توقع ہے کہ پریمیئر ڈگ فورڈ اس ہفتے کسی وقت صوبائی ویکسین سرٹیفکیٹ پروگرام کی تفصیلات کا اعلان کریں گے۔ متعدی امراض کے ماہر ڈاکٹر اسحاق بوگوچ نے کہا کہ غیر ضروری سرگرمیوں کے لیے ویکسین پاسپورٹ واٸرس پھیلاٶ کو روکنے اور کاروبار کو کھلا رکھنے میں مدد کر سکتے ہیں کیونکہ ہجوم میں کووڈ-19 کے کیسز بڑھتے ہیں۔ ” ہمیں یاد رکھنا ہوگا ، جن لوگوں کو ویکسین دی گئی ہے وہ اب بھی یہ انفیکشن حاصل کر سکتے ہیں ، اس کا امکان بہت کم ہے۔ وہ اب بھی انفیکشن منتقل کرسکتے ہیں اگرچہ ان کے امکانات بہت کم ہیں۔ ” انھوں نے پیر کی صبح ایک ٹی وی نیوز چینل کو بتایا۔ “