ٹورنٹو کے اسکولوں میں غیر نصابی سرگرمیوں کے جلد ہی دوبارہ شروع ہونے کا امکان۔

جلد ہی ٹورنٹو کے اسکولوں میں غیر نصابی سرگرمیاں دوبارہ شروع ہو سکتی ہیں۔ ٹورنٹو ڈسٹرکٹ اسکول بورڈ (ٹی ڈی ایس بی) اور ٹورنٹو کیتھولک ڈسٹرکٹ سکول بورڈ (ٹی سی ڈی ایس بی) نے کلاسوں کے دوبارہ شروع ہونے کے موقع پر اعلان کیا کہ وہ غیر نصابی سرگرمیاں ، فیلڈ ٹرپس، ہائی کنٹیکٹ اینڈ ہاٸ کونٹنسٹی کھیلوں کو ستمبر کے مہینے کے لیے روک دیں گے۔ پیر کے روز ٹورنٹو پبلک ہیلتھ نے نیا سرکلر جاری کیا جس میں کہا گیا ہے کہ اسکولوں کی غیر نصابی سرگرمیوں کو آہستہ آہستہ دوبارہ شروع کرنے کی اجازت دی جائے گی۔ زیادہ رابطہ اور زیادہ شدت کی سرگرمیاں محدود رہیں۔ اس کا مطلب یہ ہوسکتا ہے کہ کچھ کھیل جیسے باسکٹ بال یا والی بال ، ابھی تک مقابلہ دوبارہ شروع نہیں کرسکیں گے۔
لیکن ٹورنٹو پبلک ہیلتھ کا کہنا ہے کہ یہ سفارش کر رہا ہے کہ “کم رابطہ اور کم شدت والی سرگرمیوں” کو گھر کے اندر اجازت دی جائے ، جن میں شرکاء ماسک پہنیں اور جسمانی فاصلہ رکھیں۔ یہ سفارش بھی کر رہا ہے کہ غیر نصابی سرگرمیوں کا دوبارہ آغاز 12 سے 17 سال کی عمر کے طالب علموں میں شروع ہو ، بشرطیکہ وہ افراد ویکسین کے اہل ہوں۔ ٹورنٹو پبلک ہیلتھ کی نئی سفارشات اس وقت سامنے آئیں جب وزارت تعلیم نے کووڈ-19 کے 138 اسکولوں میں کیسز کی رپورٹ دی۔ یہ گزشتہ پیر کو رپورٹ ہونے والے 46 کیسوں سے زیادہ ہے ، جو طلباء اور عملے میں لیب سے تصدیق شدہ انفیکشن میں ممکنہ اضافے کی طرف اشارہ کرتا ہے۔ اس مہینے کے شروع میں کلاسوں کے دوبارہ شروع ہونے کے بعد سے ، اونٹاریو کے 444 اسکولوں میں مثبت کیس رپورٹ ہوئے ہیں (تمام اسکولوں میں سے تقریباً نو فیصد) ٹی ڈی ایس بی نے پیر کے روز طلباء میں 23 مزید کیسز رپورٹ کیے ، تاہم ان دونوں اسکولوں میں سے کوئی بھی نیا کیس رپورٹ نہیں ہوا جہاں گزشتہ ہفتے کووڈ-19 کے پھیلاؤ کا اعلان کیا گیا تھا۔