اوٹاوا – وزیر اعظم جسٹن ٹروڈو کے دفتر کا کہنا ہے کہ انہوں نے برٹش کولمبیا فرسٹ نیشن کے سربراہ سے معافی مانگی ہے جس نے انہیں کینیڈا کے پہلے قومی سچائی اور مصالحت کے دن پر آنے کی دعوت دی جس کا مقصد کینیڈا کے رہائشی اسکول سسٹم کی دردناک یادوں کو تازہ کرنا تھا۔ ٹروڈو نے گزشتہ جمعرات کو اپنے خاندان کے ساتھ وقت گزارنے کے لیے ٹوفینو ، برٹش کولمبیا کے لیے عازم سفر ہوۓ تھ۔ نیوز چینل نے وزیر اعظم کو ساحل سمندر پر چلتے ہوئےدکھایا ، ویڈیو میں دکھایا گیا ہے کہ وہ کوئی تبصرہ کرنے سے انکار کر رہے ہیں۔ ٹروڈو نے ٹویٹ کیا کہ اس دن انھوں نے فون پر وقت گزارا تھا اور رہائشی اسکول کے بچ جانے والوں سے باتیں سنتے رہے جب یہ انکشاف ہوا کہ وہ اوٹاوا کے بجائے مغربی ساحل پر تھا جیسا کہ اس کے سفر نامے میں ابتدائی طور پر بتایا گیا تھا تو ان کے دورے کی خبروں نے مقامی رہنماؤں کی تنقید کو جنم دیا جنہوں نے کہا کہ رہائشی اسکول سے بچ جانے والوں کے اعزاز میں تقریبات میں شرکت نہ کرنا ان کی بے عزتی ہے جیسا کہ بہت سے لوگوں نے کیا تھا۔ Tk’emlups te Secwepemc Nation ، جس نے اس سال کے شروع میں کاملوپس ، بی سی میں ایک سابقہ رہائشی اسکول کے مقام پر 200 سے زائد بے نشان قبروں کے نتائج کا اعلان کیا تھا ، نے سوشل میڈیا پر شیئر کیا کہ اس نے ٹروڈو کو شامل ہونے کے لیے “دو تین مرتبہ دعوت بھیجی تھی۔
لوگوں نے سینکڑوں چھوٹے جوتے اور بھس بھرے جانور رکھے جو پارلیمنٹ ہل پہ صد سالہ شعلے کے ساتھ ساتھ ملک کے دیگر مقامات پر ان بچوں کی زندگیوں کا احترام کرنے کے لیے رکھے گئے جو کبھی رہائشی اسکولوں سے گھر نہیں آئے۔ بے نشان قبروں کے بارے میں علم اور کئی کینیڈینوں کے اندر اس کا محاسبہ اس بات کا حصہ تھا کہ پارلیمنٹ نے 30 ستمبر کو ایک بل کو سچ اور مصالحت کا قومی دن قرار دینے کی ترغیب دی۔ یہ اقدام ان 94 یادداشتوں میں شامل تھا جو سچائی اور مصالحت کمیشن نے اپنی تاریخی 2015 کی رپورٹ میں پیش کی تھیں۔ ٹروڈو کے دفتر نے اتوار کو کہا کہ وہ ایک دن پہلے تکلمپس ٹی سیکوپیمک کے سربراہ روزن کاسیمیر سے رابطہ کیا اور معذرت کی پیشکش کی۔ فرسٹ نیشن کے ترجمان نے تصدیق کی کہ بات چیت اور معذرت کی گئی ہے ، لیکن کوئی اور تفصیلات نہیں بتاٸیں۔ ٹروڈو کے دفتر نے یہ بھی کہا کہ وزیر اعظم عنقریب وہاں کا دورہ کریں گ۔
ٹروڈو کا سچ اور مفاہمت کے دن ٹوفینو جانے پر تکلمپس ٹی سیکوپیمک کے چیف سے اظہار معذرت
