اسکول جانے والے بچوں کی ویکسینیشن جلد شروع ہونے کا امکان۔

میئر جان ٹوری کا کہنا ہے کہ ٹورنٹو میں اسکول جانے والے چھوٹے بچوں کی ویکسینیشن ہیلتھ کینیڈا کی منظوری کے چند دنوں میں شروع ہو جائے گی، جس کی اب جلد ہی توقع ہے۔ ہیلتھ کینیڈا ممکنہ طور پر آنے والے دنوں میں فائزر ویکسین کو 5 سے 11 سال کی عمر کے بچوں میں استعمال کرنے کی منظوری دے گا۔ ایسا ہوا تو ٹورنٹو میں تقریباً 200,000 بچے یک دم ہی ٹیکہ لگانے کے اہل ہو جائیں گے۔ اس مقصد کے لیۓ تقریباً 400 اسکولوں پر مبنی کلینکس کے ساتھ ساتھ درجنوں کمیونٹی کلینکس کا استعمال شامل ہو گا۔ ٹوری نے نامہ نگاروں کو بتایا، “آپ کو معلوم ہے کہ ویکسینیشن کی باقاعدہ منصوبہ بندی کے لیے بہت وقت درکار ہوتاہے لیکن یہ سب کچھ کم وقت میں ہوجاۓ گا کیوں کہ ہمارا منصوبہ تیار ہے، بس ہیلتھ کینیڈا کی اجازت کا انتظار ہے۔“ شہر میں 5 سے 11 سال کی عمر کے بچوں کی ویکسینیشن کے لیے پہلے صوبائی حکومت سے ویکسین خوراکوں کی ترسیل وصول کرنا ہوگی۔ تاہم، ٹوری نے نامہ نگاروں کو بتایا کہ وہ کسی خاص تاخیر کی توقع نہیں رکھتے اور یہ کہ اگلے ہفتے کے اوائل تک کچھ بچوں کی ویکسینیشن کی جاۓ گی۔ میئر نے یہ بھی کہا کہ کچھ والدین کو جو اپنے بچوں کو قطرے پلانے کے لیے متذبذب ہیں، انھیں راضی کرنے کا کام بھی ہیلتھ کینیڈا کی منظوری سے پہلے ہی جاری ہے اور ہفتوں سے جاری ہے۔ ان کا یہ بیان ٹورنٹو پبلک ہیلتھ کی جانب سے تقریباً 43,000 والدین کے سروے کے جزوی نتائج جاری کیے جانے کے بعد سامنے آئے ہیں، جس سے یہ بات سامنے آئی ہے کہ صرف 66 فیصد جواب دہندگان اپنے بچوں کی ویکسینیشن کے خواہاں ہیں۔
“ہمارے سامنے اب بھی ایک چیلنج ہے کہ ہم 85 فیصد سے 90 فیصد بالغوں کی مکمل طور پر ویکسینیشن کا ہدف حاصل کریں اور اب ہمارے پاس 33 فیصد والدین کو اپنے بچوں کی ویکسینیشن کے لیۓ راضی کرنے کا چیلنج درپیش ہے۔‘‘
چھوٹے بچوں کے لیے کووڈ-19 ویکسین کی منظوری اونٹاریو کے اسکولوں میں کیسز میں حالیہ اضافے کے درمیان سامنے آئی ہے۔ جمعرات کو اونٹاریو کے پبلک فنڈڈ اسکول بورڈز نے طلباء اور تعلیمی عملے میں مزید 129 نئے کیسز رپورٹ کیے، جو کہ 6 اکتوبر کے بعد سے کسی ایک 24 گھنٹے کے عرصے میں سب سے زیادہ تعداد ہے۔ گزشتہ ہفتے اس وقت صرف 81 نئے کیسز کی تصدیق ہوئی تھی۔ اسی 24 گھنٹے کی مدت. پبلک اسکول سسٹم سے وابستہ ایکٹو کیسز کی تعداد بھی بتدریج بڑھ رہی ہے اور اب یہ تعداد 1,200 ہے، جو گزشتہ جمعرات سے 23 فیصد زیادہ ہے۔ وسیع تر کمیونٹی میں ایکٹو کیسز میں ہفتہ بہ ہفتہ صرف 14 فیصد اضافہ ہوتا ہے، جس سے پتہ چلتا ہے کہ اب اسکولوں میں ان ویکسینیٹڈ بچوں میں انفیکشن میں تیزی سے اضافہ دیکھا جا سکتا ہے۔ اس وقت تقریباً 12 فیصد اسکولوں میں کم از کم ایک فعال کیس ہے۔ ان میں سے پانچ اسکول کووڈ-19 پھیلنے کی وجہ سے بند کر دیے گئے ہیں۔ یہ تعداد کل کی تعداد سے ایک زیادہ ہے۔ وسط اکتوبر کے بعد سے کسی ایک مقام پر بند ہونے والے اسکولوں کی یہ سب سے زیادہ تعداد ہے۔ تعلیمی سال کے آغاز سے اب تک اسکول سے متعلق 6,132 تصدیق شدہ کیسز ہو چکے ہیں۔ یہ 2020 میں اس وقت سرکاری اسکولوں میں ہونے والے 3,626 کیسوں سے تقریبا دوگنا ہے۔