اٹلانٹک: تین دن کی شدید بارش کے بعد اشیاۓ ضرورت کی قلت۔

جمعرات کو طوفان کی وجہ سے جنوب مغربی نیو فاؤنڈ لینڈ کے کچھ علاقوں میں روٹی، دودھ اور دیگر ضروری اشیا۶ کی کمی کی اطلاع ملی۔ تقریباً 200 ملی میٹر طوفانی بارش ہوٸ جس سے سڑکیں اور پل بہہ گئے اور مشرقی اور شمالی نووا اسکاٹیا میں، شہری انتظامیہ کے عملے نے گھروں کے تہہ خانوں سے پانی پمپ کرنے اور موسلا دھار بارش کی وجہ سے زیر آب سڑکوں کی مرمت کا کام جاری رکھا۔اس طوفان نے اٹلانٹک کینیڈا کے کچھ علاقوں کو تین دن تک نقصان پہنچایا۔ نیو فاؤنڈ لینڈ کے جنوب مغربی کونے میں واقع ساحلی قصبے پورٹ آکس باسکیس میں، ٹرانس-کینیڈا ہائی وے سمیت متعدد سڑکوں پر مرمت کا کام جاری تھا، اور بدھ کو ایک ہیلی کاپٹر کا استعمال کیا گیا تاکہ یورٹ میں پھنسے کچھ رہائشیوں کو کسی محفوظ جگہ پہنچایا جاسکے۔
فائر چیف نے تصدیق کی کہ آس پاس کی کمیونٹیز بدھ کے روز روٹی، دودھ اور انڈوں کی اپنی ہفتہ وار ترسیل سے محروم ہوگئیں، جس کی وجہ یہ سب سے زیادہ بارش ہے جو میں نے دیکھی ہے، اور میں 61 سال کا ہوں اور اب تک ایسی بارش نہ دیکھی۔ یہ ایک وقت میں 10 بالٹیاں پانی پھینکنے کے مترادف تھا۔“ دریں اثنا، فیری سروس جو پورٹ آکس باسکیس اور نارتھ سڈنی، این ایس کے درمیان چلتی ہے، سڑک کی بندش کی وجہ سے اپنا راستہ تبدیل کرنے پر مجبور ہوئی۔ میرین اٹلانٹک نے جمعرات کو اعلان کیا کہ وہ عارضی طور پر کراسنگ کو مشرقی نیو فاؤنڈ لینڈ میں ارجنٹیا جانے کے لیے رخ بدل دے گا، تاکہ اس بات کو یقینی بنایا جا سکے کہ لوگ اور سامان محفوظ جگہ تک پہنچ سکے۔ یہ راستہ عام طور پر صرف گرمیوں کے مہینوں میں پیش کیا جاتا ہے۔ طوفان، جسے کم دباؤ کا بتایا جاتا ہے، پیر اور بدھ کی درمیانی شب اس علاقے میں رک گیا۔ کیریبین میں پورٹ آکس باسکیس سمیت کئی علاقوں میں ریکارڈ مقدار میں بارش ہوٸ جہاں گزشتہ دو دنوں میں 165 ملی میٹر بارش ہوئی۔ کوڈرائے وادی میں، ایک ویدر اسٹیشن میں 195 ملی میٹر بارش ریکارڈ کی گئی۔ اس کے ساتھ ساتھ، ریک ہاٶس علاقے میں ہوا 141 کلومیٹر فی گھنٹہ سے چل رہی تھی۔ یہ علاقہ تیز رفتار ہواؤں کے لیے جانا جاتا ہے۔
نووا اسکوشیا میں، بدھ کو بارش کے رکنے تک تقریباً 30 سڑکیں اور پل بند ہو چکے تھے۔ زیادہ تر نقصانات کی اطلاع انٹیگونش کاؤنٹی، شمال مشرقی نووا اسکوشیا میں اور شمالی کیپ بریٹن میں وکٹوریہ اور انورنس کاؤنٹیوں میں ہوئی۔ نووا اسکاٹیا کے پریمیئر ٹم ہیوسٹن نے جمعرات کو کہا کہ ٹوٹ پھوٹ کی مرمت کے لیے کم از کم 7 ملین ڈالر لاگت آئے گی، انہوں نے مزید کہا کہ صوبہ وفاقی فنڈز کے لیے درخواست دے گا۔ انہوں نے کہا کہ “دوبارہ تعمیر، مرمت، بحالی کے لیے بہت کام کرنا باقی ہے۔” کیپ بریٹن کے شمال مشرقی ساحل کے ساتھ کچھ کمیونٹیز میں 200 ملی میٹر سے زیادہ بارش ہوئی، اور کئی واش آؤٹ نے کیپ بریٹن ہائی لینڈز نیشنل پارک میں قدرتی کیبوٹ ٹریل کے حصوں کو بند کرنے پر مجبور کردیا۔ کیبوٹ ٹریل کے مشرق کی جانب دریائے انگونیش میں، شدید بارشوں کے ساتھ سیلاب اور دھند کی اطلاع ملی جس نے چھوٹی کمیونٹی پر ریکارڈ 278 ملی میٹر بارش ہوٸ۔ جمعرات کو، نیلس ہاربر اور انگونیش کے درمیان 15 کلومیٹر کا علاقہ ناقابل گزر رہا، جس سے دونوں جگہوں کو الگ تھلگ کر دیا گیا۔ پارک کے اثاثہ مینیجر، گورڈ روبی نے کہا، “یہ اب بھی ایک بہت ہی غیر مستحکم سڑک ہے،” بہت سے پلوں کی بہت خراب ہے۔ “یہ ایک سنگین صورت حال ہے۔ ہم سڑک کو جلد سے جلد کھولنے کے لیے ہر ممکن کوشش کر رہے ہیں۔”