مسی ساگا کا وکیل رئیل اسٹیٹ فراڈ میں مطلوب۔

پیل پولیس کو مسی ساگا کے ایک وکیل کی تلاش ہے جس نے مبینہ طور پر رئیل اسٹیٹ کے لین دین کے سلسلے میں اپنے مؤکلوں سے لاکھوں ڈالرز کا فراڈ کیا۔ جمعہ کو جاری ہونے والی ایک خبر کے مطابق، شاہد ملک لاء آفس کے 41 سالہ شاہد ملک کی کئی لوگوں نے جون 2021 سے دسمبر 2021 کے درمیان اپنے رئیل اسٹیٹ کے معاملات طے کرنے کے لیے خدمات حاصل کیں۔ پولیس نے کہا کہ ملک نے متاثرین سے ان کے بقایا رہن کی ادائیگی کے لیے 7.5 ملین ڈالر سے زیادہ کی رقم حاصل کی۔ تاہم، اس نے مبینہ طور پر متاثرین کی رقم کو ادائیگیوں کے لیے استعمال نہیں کیا اور رقم سمیت غاٸب ہے۔ پولیس نے کہا، “اس طرح، ہر ایک متاثرہ شخص کو بہت زیادہ مالی نقصان ہوا ہے۔” ملک اب عوام کو دھوکہ دینے اور اعتماد کو ٹھیس پہنچانے کے الزام میں مطلوب ہے اور اس کی گرفتاری کے وارنٹ جاری کیے گئے ہیں۔ پولیس کا خیال ہے کہ مزید متاثرین ہوسکتے ہیں جو سامنے آسکتے ہیں۔ اگر کوٸ بھی شخص ملک کے ٹھکانے کے بارے میں معلومات رکھتا ہے اس سے درخواست کی جاتی ہے کہ وہ
905-453-2121 ایکسٹینشن 3354
پر تفتیش کاروں سے رابطہ کرے۔